یاد بڑی عجیب شے ہے ۔۔۔۔۔۔۔۔۔ اس میں بلا کی طاقت ہے ۔۔۔۔۔۔۔۔ یہ گزرے ہوئے لمحات کو زندہ رکھتی ہے۔۔۔۔۔۔۔ ماضی کو حال میں لے آتی ہے ۔۔۔۔۔۔۔۔۔ اور حال کو مستقبل کے حوالے کر دیتی ہے ۔۔۔۔۔۔۔۔ اصل "یاد" وہ "یاد" ہوتی ہے جس کو یاد نہیں کرنا پڑتا ۔۔۔۔۔۔۔۔۔۔۔۔۔ یہ دل ، دماغ اور روح پر طاری اور خون میں جاری و ساری ہوتی ہے ۔۔۔۔۔۔۔۔ کبھی یہ آنسو بن کر موتیوں میں ڈھل جاتی ہے اور کبھی یہ آہنگ ، رنگ اور لفظ بن کر نغمے ، تصویر اور شعر کی صورت اختیار کر لیتی ہے۔۔۔۔۔۔۔۔۔۔۔۔ یاد جس طرح زماں سے بلند اور ماورٰی ہے اسی طرح یہ مکاں کی قید سے بھی آزاد ہے۔۔۔۔۔۔۔۔ یہ کسی لمحے شہر ، ملک اور دنیا سے سفر کرتی ہوئی لامکاں تک جا پہنچتی ہے ۔۔۔۔۔۔۔۔۔۔۔۔۔۔ اس لمحے دل میں بسنے والی ہر یاد ازل کے فراق کی کسک بن کر ابدی وصال کی آرزو میں مچلنے لگتی ہے۔۔۔۔ زبان حال و قال پر ایک ہی ورد اور ایک ہی وظیفہ جاری ہوجاتا ہے ۔۔۔۔۔
ہر تمنا دل سے رخصت ہو گئی
اب تو آجا اب تو خلوت ہو گئی
پر ،یاد کا یہ انمول لمحہ سراسر نصیب ، توفیق اور عطا کی بات ہے۔۔۔۔۔۔۔۔۔۔۔۔۔۔۔۔
(آج کی بات : از ناصر محمود اعوان، لاہور)
