دل کی دنیا

دل کی دنیا بھی کیا دنیا ہے ۔۔۔۔۔۔۔۔۔۔ جذب و مستی کی دنیا ۔۔۔۔۔۔۔ سور و ساز کی دنیا۔۔۔۔۔۔۔۔۔۔۔ اندیشہ ء سودو زیاں سے بے خبر اور طمع مال و منال سے بے نیاز۔۔۔۔۔۔۔۔ دل نے صدا دی تو چل پڑے اور دل نے مجبور کیا تو رک گئے ۔۔۔۔۔۔۔۔۔۔۔ اور رکے تو ایسے رکے کہ کوہِ گراں بن گئے اور چلے تو ایسے چلے کہ جاں سے گذر گئے۔۔۔۔۔۔۔۔۔۔۔۔۔۔۔۔۔۔۔ دل نے کہا تو محبوب کے "تل" پر سلطنت وار دینے کی ٹھان لی اور دل نے کہا تو پوری دنیا فتح کرنے نکل پڑے۔۔۔۔۔۔۔۔۔۔۔۔۔۔ دل کسی در پر جھک گیا تو اقلیم جاں وہاں لٹادی اور دل نے اشارہ دیا تو پوری دنیا سے جنگ چھیڑ دی۔۔۔۔۔۔۔۔۔۔ دل کسی کی آنکھوں میں ڈوبا تو سانس اور روح کی ناو ہاں ڈبو دی۔۔۔۔۔۔۔۔۔۔۔۔۔ اور دل نہ مانا تو غمزہ و وعشوہ کی لاکھ ادائیں ایک لمحے کی توجہ حاصل نہ کر سکیں۔۔۔۔۔۔۔۔۔۔۔۔۔۔۔ صاحبو !! دل کی دنیا عجیب سی دنیا ہے۔۔۔۔۔۔۔۔ پیمانہ ء خرد سے اسے ناپنا اور اس کا احاطہ کرنا ۔۔۔۔۔۔۔۔۔۔۔۔۔ نا ممکن سی بات ہے ۔۔۔۔۔۔۔۔۔
(آج کی بات: از ناصر محمود اعوان، لاہور)