زندگی کی کہانی

آج کی بات  "وہ" پیدا ہوا ۔۔۔۔۔۔۔۔۔۔ اس نے چلنا پھرنا شروع کیا ۔۔۔۔۔۔۔۔ وہ سکول جانے لگا۔۔۔۔۔۔۔۔۔ اس نے تعلیم مکمل کی ۔۔۔۔۔۔۔۔۔ ملازمت ڈھونڈی ۔۔۔۔۔۔۔۔۔۔ شادی کی ۔۔۔۔۔۔۔ بچے ہوئے۔۔۔۔۔۔۔ عمر جوانی کی طاقت سے بڑھاپے کے اضمحلال میں ڈھلنے لگی ۔۔۔۔۔۔۔۔۔ سرو قد باقی نہ رہا ۔۔۔۔۔۔ کمر جھک گئی ۔۔۔۔۔۔۔۔۔۔ بالوں میں چاندی اتر آئی ۔۔۔۔۔۔۔۔۔۔۔ جسم پر رعشہ طاری ہونے لگا۔۔۔۔۔۔۔۔ جسم مختلف عوارض کی آماجگاہ بننے لگا۔۔۔۔۔۔۔۔ ایک دن ۔۔۔۔۔۔۔۔۔۔ اچانک ایک دن موت کا فرشتہ آپہنچا ۔۔۔۔۔۔ زندگی کی کہانی ۔۔۔۔۔۔۔۔۔ بس یہاں تک ۔۔۔۔۔۔۔ اناللّٰۃو انا الیہ راجعون یہ مر قد ہے ۔۔۔۔۔۔۔۔۔۔۔۔۔۔ یہاں پر فلاں ابنِ فلاںدفن ہے ۔۔۔۔۔۔۔۔۔۔ چند سالوں کے بعد فلاں ابنِ فلاں کا نام قبر کے کتبے اور لوحِ قلب و ذہن سے محو ہونا شروع ہوجاتا ہے ۔۔۔۔۔۔۔۔۔۔ مزید کچھ وقت کے بعد قبر کا نشاں بھی مٹ جاتا ہے ۔۔۔۔۔۔۔۔۔۔۔۔۔۔۔۔۔۔۔ کون تھا فلاں ابن فلاں ۔۔۔۔۔۔۔۔۔ کسی کو کیا خبر ۔۔۔۔۔۔۔ کوئی اس نام کو کہاں تک سنبھالتا۔۔۔۔۔۔۔۔ رہی اولاد تو وہ اپنی اولاد کی فکر میں غلطاں ہوگئی۔۔۔۔۔۔۔۔۔ "اس "کے پاس رہ گیا اس کے رب کا نام اور اس کے اعمال ۔۔۔۔۔۔۔۔۔۔۔۔۔ حیات زندگی کی کہانی ، بس اتنی سی کہانی ہے ۔۔۔۔۔۔۔۔۔۔ (آج کی بات: از ناصر محمود اعوان، لاہور)